Жауынгерлер ерлігі-ұрпақ жадында: Ахмаров Ниғмаджан – артиллерияның жауынгерлік әзірлігін қамтамасыз еткен қатардағы жауынгер

Бүгін біз ерекше жауапкершілік пен жанқиярлықтың үлгісі болған артиллерия жауынгері Ниғмаджан Ахмаров туралы әңгімелейміз. Оның отбасы сақтап, ұрпақтан-ұрпаққа жеткізген өмір жолы – ауыр жағдайларда да қару-жарақтың дайын болуын қамтамасыз етіп, Жеңіске қомақты үлес қосқан қатардағы жауынгердің ерлігін аша түседі.

« Ниғмаджан Ахмаров 1912 жылы Малютка ауылында дүниеге келген. 1944 жылдың 28 қыркүйегінде Румыниядағы армияның қосалқы полкі арқылы Қызыл Армия қатарына шақырылды. 1945 жылдың 18 қаңтарында жарақат алды. Әскери борышын үлгілі атқарғаны және ерлігі үшін 1945 жылы «Жауынгерлік ерлігі үшін» медалімен марапатталды. 1945 жылдың 9 тамызынан бастап жапон империалистеріне қарсы соғысқа қатысқан.

76 мм артиллериялық зеңбірек батареясының оқтаушысы ретінде қатардағы жауынгер Ниғмаджан Ахмаров 1945 жылдың 22 шілдесінен 1 қыркүйегіне дейін Моңғолияның шөлейт далаларында, Хинган тауларында және Қытайдың Чахар мен Жэхэ провинцияларында өткен жорық кезінде, есептоп құрамында қару-жарақты әрдайым жауынгерлік дайындықта ұстап, жаяу әскер колоннасымен бірге полктің жаңа орналасу орнына жеткізгені үшін марапатталды.

Сондай-ақ 45 мм зеңбірек батареясының жауынгері Ниғмаджан Ахмаров Плахтинское ЗАЗ ауданында қатты жау оғына қарамастан, жасырынған орыннан аттарды және оқ-дәрілерді қаруларға жеткізгені үшін марапатқа ие болды. 1945 жылдың 4 қаңтарында жау қарсы шабуыл жасаған кезде, Ахмаров жеке ерлік пен батылдық танытып, шабуылды тойтаруға тікелей қатысқан.

Марапаттары:

«Жауынгерлік ерлігі үшін» медалі

«1941–1945 жж. Ұлы Отан соғысында Германияны жеңгені үшін» медалі

«Жапонияны жеңгені үшін» медалі