Қазақстандық сарапшы жалпыға бірдей декларацияға кідіріс қажет деп санайды
Қаржы сарапшысы жүйеде тек шенеуніктерді қалдырып, жалпыға бірдей декларацияны тоқтатуды ұсынды. Ол ЖК-нің қатысуы бюджетке түсетін түсімдерді айтарлықтай арттырмайды деп санайды, деп хабарлайды QZ Мedia тілшісі NUR.KZ. жазбасына сілтеме жасап.
2024 жылы жалпыға бірдей декларациялаудың үшінші кезеңі басталды, оған жеке кәсіпкерлер (ЖК), заңды тұлғалардың құрылтайшылары мен басшылары, сондай-ақ олардың жұбайлары қатысады. Бұл ретте барлық азамат жүйеге қатысуға дайын емес екендіктерін аңғартты. Бұл тіпті Қазақстанда тіркелген ЖК санының азаюына алып келді – адамдар жалпыға бірдей декларациялауға қатыспау үшін оларды жауып тастады.
Қаржы сарапшысы және ArtFinanz Telegram-арнасының авторы Расул Рысмамбетовтың пікірінше, жалпыға бірдей декларациялауды кейінге қалдыру керек, бірақ мемлекеттік қызметшілерді декларациялауды жалғастыру қажет. Оның пікірінше, ЖК мен басқа да шағын фирмаларды “зорлық-зомбылықпен” декларациялауға тырысу бюджетке айтарлықтай түсім әкелмейді.
“Декларацияның мәні экономиканың көрінбейтін (сұр) бөлігін, соның ішінде оның заңсыз бөлігін азайту болып табылады. Егер бізде ТМД-дағы ең қолма-қол ақшасыз экономика бар десем, қателеспеймін. Сондықтан экономиканың едәуір бөлігі бақылаудп. Ең ірі сұр аймақтар Қазақстаннан тыс жерде орналасқан: бұл әдетте оффшордағы делдал фирмалар, оларда шикізатты әкетуден түсетін пайда бар”, – деп түсіндіреді сарапшы.
Қаржыгер жалпыға бірдей декларациялауды енгізу мерзімінен бұрын болды деп санайды: жүйе дайын болмады, ал халық оның не үшін қажет екенін және қандай пайда әкелетінін түсінбейді.
Сондықтан, Расул Рысмамбетов атап өткендей, кідіріс керек, себебі:
-салық органдарының қызметкерлерін оқыту;
-халықты декларацияны толтыруға үйрету;
-бағдарламалық жасақтаманы дайындау – сарапшының пікірінше, қазір қателер және басқа да мәселелер өте көп;
-жүйені тестілеу – ең алдымен жеке деректерді қорғау жүйесін тексеру.
Осылайша, қаржыгердің айтуынша, қазіргі уақытта қазақстандықтар да, мемлекеттің өзі де бүкіл ел халқын қамтитын жалпыға бірдей декларациялауға дайын емес. Естеріңізге сала кетейік, 2025 жылдан бастап жүйеге Қазақстанның барлық азаматы кіреді.