Бескөл мектеп-колледжінде өткен семинарда кәсіптік бағдар беру мұғалімдері өзара тәжірибе алмасты

Қызылжар ауданында Бескөл мектеп-колледжінің базасында білім бөлімдерінің әдіскерлері мен кәсіптік бағдар беру мұғалімдерінің облыстық семинары өтті, деп хабарлайды QZ News тілшісі.

Іс-шараны әдістемелік орталық мамандары, СҚО білім басқармасы және «Сенімен болашақ» РҚБ филиалы ұйымдастырды. Баяндамашылар қатарында облыстық қоғамдық ұйымның жетекшісі Жанат Мұхамеджанов, Петропавл қалалық білім бөлімінің әдіскері Жанар Есқақова, «Сенімен Болашақ» РҚБ психологы Ирина Якимова, білім беру мекемелері директорларының орынбасарлары және т.б. болды.

52 қатысушының басын қосқан семинар мұғалімдердің кәсіби құзыреттілігін арттыру, кәсіптік бағдар берудің түрлі формаларын қолдану және оқушылардың кәсіби өзін-өзі анықтауына ықпал ету мақсатында өткізілді.