Петропавл – Сергеевка –Тимирязево. Роман Скляр СҚО-ның су басу қаупі бар учаскелерін тік ұшақпен қарап шықты

Премьер-министрдің бірінші орынбасары Роман Скляр СҚО-ның су басу қаупі бар учаскелерін тік ұшақпен қарап шықты, деп хабарлайды QZ Мedia 

Аэровизуалды тексеру Петропавл – Сергеевка – Тимирязево бағыты бойынша жүргізілді. Шал ақын және Тимирязев аудандарының елді мекендері, сондай-ақ Сергеев су қоймасы қаралды.

Естеріңізге сала кетейік, Сергеев су қоймасының төбесі арқылы толып кету 3 метр 95 см. Есіл өзенінің жайылмасына су толып барады. Петропавл қаласының маңындағы Шал ақын, Есіл және Қызылжар, Заречный ауылдары аудандарына жақын орналасқан елді мекендерін су басу қаупі бар.

Қазіргі уақытта СҚО-да 78 үй, 185 үй маңындағы аумақ су астында қалып отыр. 1266 адам эвакуацияланды, оның ішінде 114 бала бар. Қазір олар эвакуациялық пунктерде және туыстарында. Сондай-ақ 2400-ден астам жануар эвакуацияланды.

Су тасқыны бойынша жағдай ерекше бақылауда. Аудандарда және Петропавл қаласында тәулік бойы жедел штабтар жұмыс істейді.