Петропавлда тұрақтандыру қорының өнімдері қанша тұрады?

1 қараша күні «Солтүстік» ӘКК АҚ ресми сайтында тұрақтандыру қоры өнімдерінің бағасы туралы жаңартылған ақпарат пайда болды, деп хабарлайды QZ News тілшісі.

Петропавлда тұрақтандыру қорының өнімдері мына базарларда ұсынылады: «Дария», «Алтын арман», «Тайга», «Алматы-Петропавл», «ҚызылЖар». Бұдан басқа, әлеуметтік маңызы бар тамақ өнімдерін қолжетімді бағамен «Корона» және «Океан» сауда үйлерінен, сондай-ақ 15%-дан аспайтын тауарлық үстемақыны ескере отырып, әріптестердің әлеуметтік бағдарланған сауда нүктелерінен табуға болады. Бұл айтылған үш ірі сауда желісінің филиалдарына, бес супермаркет пен облыс орталығының жеті дүкеніне қатысты.

Енді 01.11.2024 жылы «Солтүстік» ӘКК АҚ тұрақтандыру қоры Петропавл үшін бекіткен өнімдердің бағасына тоқталайық. Қарақұмық жармасының килограмы – 240 тг, тегістелген күріш – 427 тг, ұнның 2 килограмын 260-270 теңгеге сатып алуға болады, 1-санаттағы жұмыртқаның 10 данасы 400 теңге тұрады, өлшенбелі рожки – 250-280 тг/кг, өсімдік майы – 650 тг/л, қант – 470 тг/кг, тұз – 57 тг/кг, тауық еті – 950 тг/кг, қырыққабат – 97 тг, картоп – 110 тг/кг, сәбіз – 105 тг/кг, пияз – 110 тг/кг.