Петропавлда жеке секторда қар шығару мен тазалау жұмыстары бойынша алғашқы сенбілік өтті

Су тасқынына қарсы іс-шаралар аясында жеке секторда қар шығару және тазалау бойынша алғашқы сенбілік ұйымдастырылған. Бұл туралы QZ News хабарлайды.

Қала жастары, мемлекеттік қызметкерлер, коммуналдық қызметтер зейнеткерлердің, көпбалалы отбасылардың және әлеуметтік жағынан осал топтардың ауласын тазалауға көмектесті.

Еске сала кетейік, былтырдан бастап қала әкімдігі су тасқынына қарсы кешенді шараларды жүзеге асыруда. Дамба мен топырақтан жасалған бөгеттерді салумен қатар, жергілікті билік жеке секторда аулалардан қарды шығару және қала бойынша жауын-шашын кәріздерін тазалау бойынша сенбіліктер ұйымдастырады.

Жұмыстар алғаш болып Жұмысшы кентінде және Береки шағын ауданында басталады, себебі бұл аумақтар еріген судың әсеріне көп ұшырайды.