“Қазір ең бастысы – сіздердің өмірлеріңіз!”,- деп Петропавл әкімі Заречный кентінің тұрғындарын қауіпсіз жерге көшуді сұрады

Петропавл қаласының әкімі Серік Мұхамедиев су тасқыны қаупіне байланысты облыс орталығының тұрғындарына екінші рет жүгінді, деп хабарлайды QZ Мedia тілшісі.

“Қала тұрғындары, саяжай тұрғындары! Бәріміз үшін қиын кезең бастау алды! 2017 жылғы сценарий одан да үлкен масштабта қайталанады! Заречный кенті ерекше қауіпті аймақта тұр. 2017 жылы 224 үйдің ішінен 132 үй мен жүздеген саяжай су астында қалды. Сол кезде Сергеев су қоймасындағы шекті көрсеткіш
338 см болған еді, бүгінгі жағдай тіпті нашар. Қазірдің өзінде шекті көрсеткіг 425 см-ге жетті, су көтерілуді жалғастыруда”, – деп атап өтті Петропавл әкімі.

Қала басшысы Заречный кентіне үлкен судың алғашқы толқыны батыс жақтан келетін су деңгейінің көтерілу нәтижесінде енетінін атап өтті. Бұл аптаның соңында болады. 2020 жылы ол жерде биіктігі 2,8 м үйінді тұрғызылды, ол бүгінгі күнге дейін ауылдың шығыс бөлігін қорғады, бұл Заречныйды жыл сайынғы су тасқынынан қорғауға жеткілікті болды.

“Қазір үйінділерді4,5 м-ге дейін нығайтып жатырмыз, барлық қызметтер, еріктілер мен қарапайым тұрғындар жұмылдырылды! Біз одан да жоғары тұрғыза алмаймыз. Заречный өзеннің жайылмасында орналасқан және бүкіл ауданды қамтуға мүмкіндік жоқ. Бұл дегеніміз, біз ең нашар жағдайға дайындалуымыз керек. Есіл өзенінің ең төменгі нүктесінде саяжай учаскелері орналасқан. Ал олар Заречноеда жүздеп саналады. Эвакуация сөзсіз керек! Мен саяжайларда тұрақты түрде тұратын тұрғындар бар екенін білемін. Қызметтер кешеден бастап эвакуациялауды бастады. Бірақ кейбір тұрғындар саяжайлары мен тұрғын үйлерді қалдырғысы келмейді. Мен сіздерге жүгінгім келеді, жылдар бойы тапқан мүлікті қалдыру қиын екенін түсінемін. Бірақ қазір сіздің өміріңіз басымдыққа ие! Қызметтердің талабын елеусіз қалдырмаңыз! Судың есікке жетуін күтпеңіз! Қазір әрекет ету керек!”,- деді Серік Мұхамедиев.

Петропавл әкімі тұрғындардың наразылығын көріп, қала тұрғындарының пікірлерін оқып тұратынын атап өтті. Қала басшысы табиғи элементті тоқтата алмайтынын да айтты.

“Тағы да қайталаймын, бірде-бір тұрғын мен оның мүлкі назардан тыс қалмайды! Мен қала әкімі ретінде қолымнан келгеннің бәрін жасаймын!”,- деді Петропавл қаласының әкімі.