Қозыбаев университетінде Ұлыбританиядан келген профессор ашық дәріс оқиды

Бір ай ішінде PhD докторы Надим Халид Қозыбаев университетінде семинарлар өткізеді. Ол Ұлыбританиядан ҚР Білім және ғылым министрлігінің Қазақстандағы жоғары оқу орындарына шетелдік профессорларды тарту бағдарламасы бойынша келген, деп хабарлайды QZ News тілшісі.

Университеттің баспасөз қызметінің хабарлауынша, Надим Халид Англия Раскин университетінің Лорд Эшкрофт атындағы халықаралық бизнес мектебінде сабақ береді. Оның оқытушылық және ғылыми қызығушылықтары – кәсіпкерлік және стратегия. Жоғары оқу орындарында 15 жылдан астам тәжірибесі бар.

Қозыбаев атындағы университетте «Экономика, есеп және қаржы» кафедрасында ашық дәрістер мен біліктілікті арттыру курстарын өткізеді. Кейбір іс-шаралар онлайн режимінде өтеді.