ҚР Парламенті Сенатының депутаттары Петропавлдағы облыстық перинаталдық орталық жанындағы ерте араласу орт

“Қамқорлық” атты ерте араласу орталығы осы жылдың ақпан айының басында Петропавлдағы облыстық перинаталдық орталық базасында ашылды. Жыл сайын мекеме 3 жасқа дейінгі 400-ге жуық ерекше баланы қабылдай алады. Орталық “Самұрық-Қазына” және “Қазақстан халқына” қорларының қолдауымен құрылды. 1 шілдеде оған ҚР Парламенті Сенатының депутаттары келді, деп хабарлайды QZ Мedia тілшісі.

“Біздің бөлімше күн сайын 15 баланы қабылдауға қауһарлы, орталыққа 0-3 жас аралығындағы балалар келеді. Бұл – оңалтуға жататын әртүрлі неврологиялық аурулары бар сәбилер. Бала невропатологтың жолдамасы бойынша бізге жоспарлы түрде емделуге жазыла алады. Ақпан айынан бастап 103 кішкентай солтүстікқазақстандық емделді, олардың арасында мүгедек балалар да болды”, – деді “Қамқорлық” ерте араласу орталығының меңгерушісі Наталья Помазанова.

“Қамқорлық” ерте араласу орталығында 8 қызметкер жұмыс істейді. Наталья Помазанова медициналық қызметкерлердің жетіспеушілігін тілге тиек етті. Жаңа орталықта психологтар, логопедтер, дефектологтар жетіспейді, массаж терапевті, оңалту дәрігері лауазымы да бос. Парламентшілер заманауи орталықтың жұмысымен танысып, медицина қызметкерлерімен әңгімелесті.

“СҚО-да шамамен 10 күн болу жайлы шешім қабылдадық. Оның 3 күні әртүрлі нысандарға бару, инклюзиямен байланысты процестердің реттелуін бақылау үшін бөлінді. Біз аудандарға барамыз, су тасқынынан зардап шеккен адамдармен кездесеміз, жергілікті жерлерде жұмыс істейтін және адамдарға тезірек баспана алуға көмектесетін комиссия мүшелерімен бөлек кездесеміз”, – деді ҚР Парламенті Сенатының депутаты Әсем Рахметова.