«Саналы ұрпақ» клубының қатысушылары сыбайлас жемқорлыққа қарсы күрес жолдарын талқылады
Петропавлда креативті орталықта «Саналы ұрпақ» ерікті студенттер және оқушылар клубының отырысы өтті. Жиында қыз-жігіттерге жемқорлықтың алдын алу үшін қандай іс-шаралар жүзеге асып жатқандығы айтылып, академиялық адалдық туралы ақпарат берілді, деп хабарлайды QZ News тілшісі.
Іс-шараны Солтүстік Қазақстан облысының Азаматтық альянсының өкілдері мен облыстық білім басқармасының мамандары ұйымдастырды.
«Біз клубтардағы жастарымыздың атқарған жұмыстарын қорытындыладық. Олар жемқорлықпен күреске арналған бейнероликтер дайындап, бізге жіберді. Бұдан бөлек біз бүгін колледждердегі академиялық адалдық туралы да әңгіме қозғайтын боламыз. «Саналы ұрпақ» клубтарының жұмысы сыбайлас жемқорлықтың алдын алуға және онымен күресуге бағытталған. Білім саласы осал сала, сондықтан сыбайлас жемқорлықпен күресу туралы үнемі айтып отыру керек», – дейді СҚО Азаматтық альянсының қоғамдық мүшесі Көгершін Бердағұлова.
Сыбайлас жемқорлыққа қарсы күрес тақырыбына арналған үздік бейнероликтердің авторларына грамоталармен мен естелік сыйлықтар табыс етілді.