«Sensitive» би театрының әртістері Мәскеуді мойындатуда

Мәскеуде «INCLUSIVE DANCE» халықаралық байқауы өтіп жатыр. Қазанның 26-сы басталған шығармашылық дода 31-і күні аяқталады. Бұл сайыста Солтүстік Қазақстан облысының атынан «Sensitive» би театры өнер көрсетуде, деп хабарлайды QZ News тілшісі.

Фестиваль бағдарламасында 12 бағыт бар. Биыл айтулы шара 12-ші рет өткізіліп отыр. Мұнда жасы 3-тен асқан қатысушылар жүлде үшін сайысқа түседі.

Өзінің Instagram желісіндегі ресми парақшасында «Sensitive» би театрының әртістері үш номинацияда: қазіргі заманғы хореография бойынша дуэт, ересектер арасында бал биі, қазіргі заманғы хореография бойынша жеңіс туралы ақпаратты жариялады.