Солтүстік Қазақстан облысының жеңімпаз- мұғалімдері республикалық «Үздік авторлық бағдарлама» байқауының финалына жолдама алды
«Үздік авторлық бағдарлама» республикалық байқауының облыстық кезеңінің жеңімпаздарының есімдері белгілі болды. Желтоқсан айында олар зияткерлік сайыстың финалына қатысу үшін Алматыға аттанады, деп хабарлайды QZ News тілшісі.
Естеріңізге сала кетейік, байқауға облыстың түкпір-түкпірінен келген 44 мұғалім шығармашылық және педагогикалық шеберліктерін таныта отырып, бірегей әзірлемелерін ұсынды. Байқауға қатысушылардың жұмыстарына М. Қозыбаев атындағы СҚУ , облыстың білім басқармасының өкілдері сондай-ақ тәжірибелі ұстаздар баға берді.
«Білім берудегі менеджмент» номинациясында Антонина Шаштаулетова үздік атанды. Ирина Косырева «Физика-математика пәндері» аталымы бойынша бірінші орынды иеленді.Анна Солонарь «Жаратылыстану пәндері» номинациясында жеңіске жетті. Қазақ тілі мен әдебиеті мұғалімдері арасында Анар Әубәкірова үздік атанса, Мәрзия Елембаева «Қоғамдық-гуманитарлық бағыттағы пәндер» (ағылшын тілі, тарих) номинациясы бойынша бірінші орынды иеленді.