СҚО-да жыл сайын ауылдарды электрмен жабдықтау жүйесін жаңғырту жоспарлануда
СҚО-да коммуникациялардың тозуын азайту бойынша жүйелі жұмыс жүргізілуде. Бұл туралы елордада өткен брифингте Ғауез Нұрмұхамбетов БАҚ өкілдеріне айтты, деп хабарлайды QZ News тілшісі.
«Биылғы жылы 1,5 мың шақырым электр желісі, 9 шақырым жылу желісі, 8 шақырым су құбыры желісі ауыстырылды. Қаланың солтүстік бөлігін тұрақты жылумен қамтамасыз ететін жылу магистралінің құрылысы жүргізілуде», – деді Солтүстік Қазақстан облысының әкімі.
Аймақ басшысының айтуынша, облыста жыл сайын ауылды электрмен жабдықтау жүйесін жаңғырту жоспарлануда. Осы орайда 20 ауылды қамтитын 15 жоба әзірленді.