СҚО оқушысы робототехника бойынша өткен халықаралық жарыстарда жүлде еншіледі

СҚО командасы 27-28 қазан аралығында робототехника бойынша өткен «Red Fest» халықаралық жарыстарына қатысты. Дода Астанадағы Әл-Фараби атындағы республикалық оқушылар сарайында ұйымдастырылды, деп хабарлайды QZ News тілшісі.

М.Жұмабаев ауданындағы Батыр Баян мектебінің 7 «б» сыныбының оқушысы Жандос Тілағанов «Робосумо DIY» санаты бойынша Қазақстанның абсолютті чемпионы атанды. Оның алдында ел құрамасы сапында Қазақстанның намысын қорғау міндеті тұр”, – деп хабарлады СҚО білім басқармасы.

Елордадағы бұл жарыстар талантты оқушылар мен педагогтар үшін өткізілді. Шара Қазақстанның, Ресейдің, Өзбекстанның және басқа да елдердің қатысушыларын жинап, тәжірибе алмасуға және заманауи инженерлік жетістіктерді көрсетуге мүмкіндік берді.

Фестиваль бағдарламасына тек жарыстар ғана емес, сондай-ақ, робототехника және виртуалды шындық бойынша педагогтарға арналған шеберлік сабақтары да кірді. Балалар 3D модельдеу мен ұшақ жасаумен байланысты бірегей квестте өз күштерін сынады.