Үлкен Тораңғұл көлінде су деңгейі көтерілді

“Қазгидромет” СҚОФ ақпараты бойынша, Үлкен Тораңғұл көлінің Корнеевка ауылындағы гидрологиялық бекетінде су деңгейінің күрт өсуі байқалады. Көрсеткіш тәулігіне 32 см ұлғайды, деп хабарлайды QZ Мedia тілшісі.

7 сәуір, сағат 08:00-дегі жағдай бойынша су деңгейі 332 см құрады. Қауіпті деңгей – 365 см. Еріген қар суының және салалық қосылулардың нәтижесінде су деңгейінің одан әрі көтерілуі күтілуде.