«Жас сарбаз» әскери -патриоттық көпсайыста М.Жұмабаев атындағы ауданның оқушылары қола жүлдеге ие болды
18-20 қараша аралығында Солтүстік Қазақстан облысында дистанциялық форматта облыстық «Жас сарбаз» әскери- патриоттық көпсайыс өтті, деп хабарлайды QZ News тілшісі.
“Жас Сарбаз” әскери-патриоттық клубының мақсаты өскелең ұрпақтың бойында жоғары азаматтық белсенділікті, патриотизмді, рухани-адамгершілік дамуды тәрбиелеу, жеке тұлғаны және Отан алдындағы жауапкершілік сезімін қалыптастыру, салауатты өмір салтын насихаттау және жастар арасында дене шынықтыру мен әскери-қолданбалы спорт түрлерін танымал ету болып табылады.
Оған 15-17 жас аралығындағы ауданның оқу орындарының оқушылары кірген Мағжан Жұмабаева аудан құрамасы да қатысты. Осы жарысқа аудан намысын қорғауға ауданымыздың Медвежка ОМ (Тилектесова Индира), Возвышенка ОМ (Кочубеева Ксения және Сулейменов Азиз), Чистовский ОМ (Мерц Кирилл,) Батыр Баян атындағы мектеп гимназия (Данияр Жоламан)құралған команда құрамында біздің де Мағжан Жұмабаев атындағы ОМ оқушылары Ташенов Диас 11 сынып оқушы, Муканова Жанель 10 сынып оқушы, Бекжанова Дарина 8 сынып оқушы өз өнерлерін көрсетті. Бұл жарыста облысымыздың аудандары және Петропавл қаласы жарыс жолында кездесті. 11-сынып оқушысы Диас Ташенов, 10-сынып оқушысы Жанель Мұқанова және 8-сынып оқушысы Дарина Бекжанова құрметті үшінші орын иегерлері атанды.
«Мағжан Жұмабаев атындағы орта мектебімізде 2019 жылдан бастап бүгінгі күнге дейін “Жас Ұлан” әскери- патриоттық клубы өз жұмысын жалғастыруда. Клубымыздың мүшелері әскери спорттық көпсайыстарда ауданымыздың бірнеше жеңімпаздары, облысымыздың және Республикамыздың жүлдегерлері. Барлық жеңіс оқушыларымыздың қызығушылықпен талпынып жасап жатқан еңбек пен жаттығуларының арқасында. Біз жарыстарға тыңғылықты дайындаламыз. Аптасына үш рет жаттығамыз. Осы тартысты жарыста командамыз 3 орынға ие болды. Командамызды және оқушыларымды осы жүлдемен құттықтаймын. Алдағы мақсатымыз республикалық «Айбын» әскери-патриоттық жарыстарға қатысу, бұл біздің арманымыз және мақсатымыз. Соған жетуге тырысамыз”, – дейді, М. Жұмабаев атындағы ОМ АӘ жәнеТД ұйымдастырушы педагог Амангелді Бакиров.