15 қазанда Петропавлда «Алтын қазан» жүгіру жарысы өтеді.

Адамның иммунитетін қалыптастыруда белсенді өмір салты басты рөл атқарады. Бұл ретте айта кетейік, біздің облыста халықтың 35 пайыздан астамы салауатты өмір салтын ұстанады. Солтүстік Қазақстан облысында жыл сайын көптеген спорттық шаралар өтеді. Мәселен, қазан айында «Алтын қазан» атты ауқымды жүгіру жарысы ұйымдастырылады, деп хабарлайды QZ Media

Ұйымдастырушылар солтүстікқазақстандықтар үшін тартысқа және позитивке толы бірегей жарыс дайындап жатыр. Өзіңізбен бірге достарыңызды ала келіңіз, ыңғайлы киім мен аяқ киім киіңіз және салауатты өмір салтын ұстаныңыз.

Іс-шара 15 қазанға сағат 09:00-ден 11:00-ге дейін жоспарланған, өтетін орны – ескі саябақ. Кез келген адам қатыса алады. Бағдарлама келесі қашықтықтарды қамтиды:

– 500 м (балалар)

– 5 км қашықтық

Қатысушыларды тіркеу 19 қыркүйек пен 10 қазан аралығында +7 707 311 1819 Whatsapp нөмірі арқылы жүзеге асырылады. Хабарламада тегіңізді, атыңызды және әкеңіздің атын, жынысыңызды, туған күніңіз бен жарыс қашықтығын жазыңыз.

Жарысқа қатысу жарнасының құны:

• Қашықтық 500 м – 500 теңге;
• Қашықтық 5 км – 1000 теңге.

60 жастан асқан қатысушылар кіру жарнасынан босатылады. Қатысушыларға арналған жинақтарды тарату жұмысы 14 қазанда сағат 13:00-ден 16:00-ге дейін Петропавл қаласы, Интернационал 49 мекенжайы бойынша орналасқан «Место» кафесінде жүргізіледі.