Кекушинкай каратэден Астанада өткен Азия чемпионатында өңір спортшылары 12 медаль жеңіп алды

1 тамыз күні Астанадағы Жекпе-жек сарайында Кекушинкай каратэден Азия чемпионаты өтті. Додада Солтүстік Қазақстан облысының каратэшілері өздерін лайықты деңгейде көрсетіп, 12 медаль жеңіп алды, деп хабарлайды QZ Мedia тілшісі.

Жарыстың ұйымдастырушысы «Бүкілқазақстандық кекушинкай каратэ ұйымы» республикалық қоғамдық бірлестігі болып табылады. Шараға жақында және шалғайда орналасқан 22 елден – Қазақстан, Жапония, Ресей, Румыния, Индонезия, Иран, Кувейт, Ливан, Сирия, Өзбекстан, Түрікменстан, Армения, Әзірбайжан, Беларусь, Грузия, Латвия, Иордания, Палестина, Ауғанстан, Ирак, Египет, Үндістан спортшылары қатысты.

Ұйымдастырушылар атап өткендей, кекушинкай каратэден ерлер мен әйелдер арасындағы Азия чемпионаты аса тартысты өтті. Солтүстік Қазақстан облысының каратэшілері Кумите бағытында 12 медаль жеңіп алды:

1 орын – Светлана Малихтарович, Людмила Бутенко, Богдан Митрофанов.
2 орын – Родион Разумов, Рустам Райцинов, Әлішер Нұрғалиев, Михаил Безуглого.

3 орын – Аян Тортаев, Станислав Николаев, Николай Дорогаев, Валерий Николаев, Айнагүл Бауэнова.