Петропавлда бокстан «Жас Ұлан» республикалық турнирі өтуде

Облыс орталығында 15-16 жастағы жасөспірімдер арасында бокстан «Жас Ұлан» республикалық турнирі басталды, деп хабарлайды QZ News.

Маңызды спорттық шара екі айтулы датаға арналды: Ұлы Отан соғысындағы Жеңістің 80 жылдығы мен Солтүстік Қазақстан облысында бокстың дамуына өлшеусіз үлес қосқан көрнекті жаттықтырушыларды еске алуға.

СҚО дене шынықтыру және спорт басқармасының баспасөз қызметінің мәліметінше, құрметпен еске алынатын есімдер қатарында бірнеше буын спортшыларды тәрбиелеген спорт шеберлері мен еңбек сіңірген жаттықтырушылар бар: Александр Белокопытов, Владимир Чернышков, Геннадий Сутулов, Петр Горбунов, Александр Лебедев, Виктор Серов, Василий Осипов, Ринат Сейтмұхамбетов, Сергей Устинов және Михаил Иванцов.

Петропавлде турнир рингіне Қазақстан Республикасының алты өңірінен – Солтүстік Қазақстан, Батыс Қазақстан, Ақмола, Қарағанды, Павлодар облыстары мен Астана қаласынан келген 85 жас боксшы шығады.

Жас дарындардың шеберлігі мен жеңіске деген жігерін паш ететін тартысты әрі қызықты жекпе-жектер күтілуде. Бес күнге созылатын «Жас Ұлан» турнирі жас боксшылардың спорттық жолындағы маңызды кезең болмақ.