СҚО полиция қызметкерлері аралас жеке жек бойынша өткен республикалық чемпионатта жүлдегер атанды

Солтүстік Қазақстан облысының спортшылары 24-26 қаңтар аралығында Қостанай қаласында өткен Қазақстан Республикасы бойынша аралас жекпе-жек чемпионатында екінші орынды жеңіп алды, деп хабарлайды QZ News.

Чемпионатқа еліміздің түкпір-түкпірінен 300-ге жуық спортшы қатысты. Полиция капитаны Айбат Карбаев пен полиция аға лейтенанты Айдархан Қайруллин спорттық додада жақсы өнер көрсетті.

Олар СҚО бойынша аралас жекпе-жек федерациясы «Sunqar» құрамында өнер көрсетті. Федерацияның жаттықтырушысы әрі өкілі де полиция қызметкері – облыстық полиция департаментінің арнайы және мобилизациялық дайындық басқармасының инспекторы, полиция аға лейтенанты Марлен Барабаев.

Айбат 65 кг дейінгі салмақ дәрежесінде, Айдархан 75 кг-нан жоғары абсолютті салмақ дәрежесінде үш жекпе-жектің екеуінде айқын жеңіске жетті.

СҚО ПД бастығы, полиция генерал-майоры Айдын Кабдұлдинов полиция қызметкерлеріне нәтижелі өнер көрсетулерімен құттықтап, алдағы уақытта да жеңістер тіледі.