2-ЖЭО жабдықтарды жаңғыртуға 2023 жылы 2 млрд теңгеге жуық қаражат қарастырылған.

Петропавл 2-ЖЭО энергетикалық жабдықтарын жаңғырту және техникалық қайта жарақтандыруға 2023 жылға арналған инвестициялық бағдарламада 2 млрд теңгеге жуық қаражат қарастырылған, деп хабарлайды QZ Media тілшісі.

Ірі жобалардың бірі – №2 стансаның қазандық блогын қайта жаңғырту. Барабанның жұмыс уақыты бүгінгі күні 326 мың сағаттан асады. Ал норма – 300 мың сағат. Осыған байланысты жылыту беттерінің зақымдану қаупі айтарлықтай өсіп отыр. Төтенше жағдайды болдырмау үшін мамандар кейіннен жаңа жабдықты орнату арқылы №2 қазандықты толық бөлшектеу жұмысын жүргізеді. 2025 жылы №2 қазандық блогын жоспарлы қайта құру жұмыстары басталады. 2023 жылға арналған жобаны қаржыландыру көлемі шамамен 500 миллион теңгені құрайды. Іске асырылған жоба жабдықтың тағы 40 жыл сенімді жұмыс істеуін қамтамасыз етеді.

«Сонымен қатар бекітілген инвестициялық бағдарлама аясында №11 қазандық қондырғысын күрделі жөндеуден өткізу қарастырылған. Оны бағдарламаға енгізу туралы шешім диагностикалау нәтижелер бойынша қабылданды. Апат қаупін азайту және тиімділікті арттыру үшін жабдықты күзгі-қысқы кезеңге дайындау шеңберінде қондырғының жылыту беттері ауыстырылды, өшіру және реттеуші және сақтандырғыш клапандар ауыстырылды және жөнделді, кірпіш және оқшаулау жұмыстары жүргізілді», – деп толықтырды мамандар.

Сонымен қатар, №3 және №1 турбогенераторларды күрделі жөндеу негізгі жабдықтарды қайта құру және жаңғырту бағдарламасына енгізілді. Іс-шара орындаудың 2 кезеңіне бөлінді. 2023 жылы реконструкция жобасын әзірлеу және қосалқы бөлшектер мен керек-жарақтарды жеткізуге келісім жасалмақ. Ал 2024 жылы турбоагрегатты жеткізу және қайта құру жүргізіледі. Нәтижесінде зауыттың жылу өндіру көлемі сағатына 90 Гкал артады деп күтілуде.