«AMANAT» партиясының өкілдері Петропавлдағы саябақтардың бірін тазалады

«Таза бейсенбі» акциясы аясында «AMANAT» партиясының СҚОФ ұжымы «Жастар рухы» жастар қанатының белсенділерімен бірлесе отырып, атақты ғалым Шоқан Уәлихановтың мүсінін және саябақты тазалау жұмыстарын жүргізді, деп хабарлайды QZ News тілшісі.

Акция барысында қатысушылар саябақты мұқият тазалап, Шоқан Уәлиханов ескерткішін жуып шықты. Сонымен қатар, түскен жапырақтар мен қоқыстарды қапқа салып, сыртқа шығарды.

«Аталған акцияның мақсаты – қаланың экологиялық жағдайын жақсартып, мәдени ескерткіштерін сақтау болып табылады. Мұндай науқандардың арқасында біз тұрғындарды туған қаламызды көркейтуге және тарихи мұрамызды қорғауға шақырамыз», – делінген «AMANAT» партиясы СҚОФ баспасөз қызметінің хабарламасында.