C.M. Киров атындағы зауыт «Үздік тәжірибе базасы 2024» байқауында 3 орынға ие болды

Астана қаласындағы Л. Гумилев атындағы Еуразия ұлттық университетінде «Үздік тәжірибе базасы-2024» бейнероликтер байқауының жеңімпаздары марапатталды, деп хабарлайды QZ News тілшісі C.M. Киров атындағы зауыттың баспасөз қызметіне сілтеме жасап.

«С.М. Киров атындағы Зауыт» АҚ аталмыш сайыста  3 орынды иеленді. Мамыр-маусым айлары аралығында астаналық университеттің студенттері Петропавл қаласындағы кәсіпорында өндірістік тәжірибеден өтіп, білімдерін көрсетіп, қажетті тәжірибелік дағдыларға ие болды.

Жеңімпаздарды ЕҰУ-дің оқу ісі жөніндегі проректоры Ардақ Бейсенбай, оқу ісі департаментінің директоры Байжұман Қашхынбай және демеушілер құттықтады. Айта кетерлігі, байқау студенттердің кәсіптік практикасының сапасын арттыру, ЖОО түлектерінің еңбек нарығындағы біліктілігі мен бәсекеге қабілеттілігін арттыруға ықпал ету, кәсіптік тағылымдамадан өту бойынша тәжірибе алмасу мақсатында ұйымдастырылды.