НЗМ 9 студенті республикалық ғылыми жобалар байқауында жүлделі орындарға ие болды
Петропавл қаласындағы Назарбаев Зияткерлік мектебінің дәстүрлі таңғы кездесуінде мектеп директоры Данияр Уәлиев күзгі демалыс кезінде түрлі байқаулардың жеңімпазы атанған оқушыларды құттықтады. Балалар мектеп ішінде де, республикалық деңгейде де іс-шараларға белсенді қатысып, жоғары нәтижелер көрсете алды, деп хабарлайды QZ News тілшісі.
Биыл петропавлдық NIS оқушыларының 9 жобасы республикалық ғылыми жобалар байқауының желілік кезеңінде жүлделі орындарға ие болды. Сондаи-ақ, мектеп оқушылары желілік “АRT-фестивальден” үш номинацияны иеленді.
Мектептегі “Гәкку” ансамблінің бишілері де бас жүлде мен бірінші орын жеңіп алып, мектептің мерейін өсірді. Қоса кету қажет, аталған ұжым өкілдері жақында ғана Шымкент қаласында өткен Халықаралық шарада өнер көрсетті.