Петропавл қаласы «World Cleanup day 2023» акциясына қатысады
16 қыркүйекте еліміздің барлық аймағында “World Cleanup day 2023” жаһандық акциясын өткізу жоспарлануда. Акцияның мақсаты – аумақтарды қалдықтардан тазарту бойынша шаралар кешенін ұйымдастыру үшін қазақстандықтарды біріктіру, деп хабарлайды QZ MEDIA тілшісі.
«Осыған байланысты, 16 қыркүйекте сағат 10-00-де кәсіпорындардың, дүкендердің иелерін, барлық саладағы және меншік нысанындағы ұйымдарды, пәтер иелері мен жеке шаруашылықтардың еңбек ұжымдарын іргелес аумақтарды тазалауға шақырамыз. Барлығымыз бірге қаламызды таза ұстайық әрі көркейтейік», – делінген қалалық әкімдіктің шақыруында.