Петропавл қаласының әкімі сапасыз кеспе тас жайлы: “Біз тастардың қалыңдығы 8 см болуын және ол төмен түспеуін талап етеміз”

Жыл сайын Петропавлдың шағын аудандарында кеспе тас ауыстырылады. Әдемі жабын тез жарамсыз болып, ыдырайтынын бәрі біледі. Қала билігі бұл мәселеден хабардар. Проблеманы қалай шешетінін облыс орталығының әкімі Серік Мұхамедиев айтып берді, деп хабарлайды QZ Мedia тілшісі.

“Бізде сапасыз кеспе тас өте көп төселген. Біз жұқа төрттік жабынды төсейміз. 2 жылдан кейін ол жоқ болады. Жаңа қазақ театрының алдындағы төсеніштердің сапасы нашар. Біз тастардың қалыңдығы 8 см болуын және ол төмен түспеуін талап етіп отырмыз. Қазір Сүтішев көшесінің бойында тиісті жұмыс жүргізіліп жатыр. Мұнда сегіздік тастарды төсеуді талап еттік. Ескі қазақ театрының жанында да осындай тастар төселіп жатыр”, – деп атап өтті облыс орталығының басшысы.

Қала әкімінің атына қала орталығында орналасқан саяжолға қатысты да мәселе келіп түсті. Мұнда мердігер шағын сәулет нысандары ретінде торларды қиыршық тастармен толтырған.

“Жоба бірнеше рет өзгертілді, мен оның кімнің кезінде басталғанын айтпайын. Мердігер бұл жұмысты аяқтайды, біз оған ештеңе төлемейміз. Оның міндеттемелері бар, егер ол аяқтамаса, ол жазаланады. Ол мұны өз қаражаты есебінен жасайды. Тастар бағындағы істі аяқтау керек, сонда ол өте әдемі көрінеді”, – деді Петропавл қаласының әкімі Серік Мұхамедиев.