Петропавл трактор зауытының қызметкерлері референдумға қатысуды жоспарлауда

Өңірлік халықтық штаб мүшесі, СҚО бойынша «Қоғамдық келісім» КММ басшысының міндетін атқарушы Болат Базарбаев «Петропавл трактор зауыты» ЖШС қызметкерлерімен кездесіп, АЭС құрылысы мен алдағы референдумның маңыздылығы туралы жан-жақты әңгімеледі, деп хабарлайды QZ News тілшісі.

Кездесуге зауыттың 42 маманы қатысты. Болат Базарбаев оларға Тәуелсіз елімізде атом электр станциясын салу қажеттігін ұғындыратын бірқатар дәлелдер айтты.

“Кез келген кәсіпорынды дамыту үшін энергетикалық қуат қажет. Көпшілік білетіндей, Қазақстанда бұл тұрғыда белгілі бір қиындықтар бар. Сондықтан қазір АЭС салу қажеттілігі туралы көп айтылып жатыр. Мәселе салмақты, отандық сарапшылар оны мұқият зерттеді. Бірақ АЭС құрылысы мәселесі бойынша соңғы шешімді біздің азаматтар қабылдайды”, – деп атап өтті СҚО бойынша “Қоғамдық келісім” КММ басшысының м.а. Болат Базарбаев.

Кездесу соңында Болат Базарбаев бес зауытшыға еңбегі мен өңірдің әлеуметтік-экономикалық дамуына қосқан үлесі үшін ҚХА облыстық филиалы мен СҚО бойынша «Қоғамдық келісім» КММ атынан Алыс хат табыстады.