Петропавлда ерекше балаларға арналған “Шектеусіз шығармашылық” акциясы ұйымдастырылды

Балаларды қорғаудың халықаралық күніне орай «AMANAT» партиясы СҚОФ жанындағы Әйелдер қанаты «Шектеусіз шығармашылық» атты акция ұйымдастырды. Іс-шараға балаларды қолдау орталықтарының тәрбиеленушілері, соның ішінде ерекше қажеттіліктері бар балалар қатысты, деп хабарлайды QZ News.

«AMANAT» партиясының мәліметінше, мерекелік бағдарлама мазмұнды әрі әртүрлі болды. Балалар үшін шығармашылық ұжымдар мен әртістер концерттік бағдарлама ұсынса, шақырылған аниматорлар ойын арқылы көңілді атмосфера қалыптастырды. Одан кейін балаларға арналған қызықты интерактивті сабақтар мен шеберлік сағаттары өтті, онда әр бала өз қабілетін сурет салу, моншақтан бұйым тоқу мен ойыншық жасау арқылы көрсете алды. Барлығы 50-ден астам секция жұмыс істеді.

Бұдан бөлек, жүзден астам балаға демеушілер – «Raduga KDR» ЖШС, «Семейный» сауда желісі және «Шин-Лайн» ЖШС ұсынған тәтті сыйлықтар – балмұздақ пен жүгері таяқшалары таратылды. Ұйымдастырушылардың айтуынша, «Шектеусіз шығармашылық» акциясы игі дәстүрге айналып, жыл сайын өңірдегі көбірек баланы қамтып келеді.

– Бұл балалар үшін қамқорлық пен назарды сезіну ерекше маңызды. Біздің мақсатымыз жай ғана мереке ұйымдастыру емес, әр бала шығармашылық арқылы ашылып, өз маңыздылығын, сүйіспеншілікке лайық екенін сезінетін орта қалыптастыру болды. Біз кішкентай ғана жанашырлықтың өзі баланың жүрегінде жылы із қалдыратынына сенеміз, – деді «AMANAT» партиясы СҚОФ жанындағы Әйелдер қанатының мүшесі, жеке кәсіпкер Наталья Апретова.

Іс-шараның ерекше сәттерінің бірі – бұған дейін өткен қайта өңделген материалдардан жасалған бұйымдар байқауының қатысушыларын марапаттау болды. Қазылар алқасына балалардың махаббатпен, жанымен және қиялымен жасаған 12 шығармашылық жұмысы ұсынылды. Ең үздік бұйымдардың авторлары естелік сыйлықтармен және дипломдармен марапатталды.