Петропавлда құтқарушылар газдың пәтер ішіне таралуына жол бермеді

2-4 қараша аралығында СҚО ТЖД құтқарушылары Петропавлда есікті арнайы құралмен аша немесе терезе арқылы тұрғын үйлерге кіре отырып, 5 авариялық-құтқару жұмысын жүргізді, деп хабарлайды QZ News тілшісі.

“Осы күндері екі қарт адамға көмек көрсетілді, сондай-ақ 1941 жылы туылған ер адам құтқарылды, ол 103 қызметкерлеріне тапсырылды, кейін ауруханаға жатқызылды. Сонымен қатар, 2019 және 2022 жылы туған 2 бала құтқарылды, оларға медициналық көмек қажет болмады. Кіреберіс есікті ашу арқылы пәтерде газдың қауіпті таралуына жол берілмеді, бұл сәтте іште екі адам қатты ұйықтап жатты”, – делінген СҚО ТЖД баспасөз қызметінің хабарламасында.

Құтқарушылар егде адамдар мен балаларды жалғыз қалдырмауды, олардың қауіпсіздігін қамтамасыз етуді, газ жабдықтары мен аспаптарын дұрыс пайдалану қағидаларын сақтауды қатаң түрде ұсынады.