Петропавлда қыс мезгілінде жолдарды күтіп ұстайтын арнайы техникалар таныстырылды

Петропавлдағы Пестрое көлінің маңындағы тұрақта Солтүстік Қазақстан облысының автожолдарын қыс мезгілінде күтіп ұстауға жауапты ұйымдардың арнайы техникасын байқау өткізілді, деп хабарлайды QZ News тілшісі.

Науқан қарсаңындағы байқауға СҚО ТЖ департаментінің, облыстық полиция ведомствосының, «ҚазАвтоЖол» ЖШС, «ҚАЖсервис» ЖШС СКОФ өкілдері қатысты.

Іс-шара барысында қысқы кезеңде төтенше жағдайлар туындаған кезде жедел ден қоюға арналған техниканың дайындығы жан-жақты тексерілді.

Қойылған техниканың ішінде қалың мұздарды жоюға арналған ауыр грейдерлер, ауыр жүк көліктерінің базасындағы біріктірілген жаңа машиналар бар. Техника паркі өткен жылдардағы тәжірибені ескере отырып жаңартылған. Облыста барлығы 328 бірлік арнайы техника дайындалды.