Петропавлда СҚО би спорты федерациясының гала-шоуы мен ашық біріншілігі өтті

Петропавлда “Наследия” гала-шоуы өтті. Оны “S’Avancer” хореография мектебінің өкілдері ұйымдастырды. Дарынды қыздар мен ұлдар спорттық-бал биінің әртүрлі бағыттарын көрсетті, марапаттар үшін жарысты, олардың кейбірі бірінші рет паркетке шықты, деп хабарлайды QZ Мedia тілшісі.

“Іс-шара барысында турнир, атап айтқанда, СҚО би спорты федерациясының жұптар арасындағы ашық біріншілігі өтеді, онда біз үздіктерді анықтап, марапаттаймыз. Би маусымының соңында “Наследие” аталымын енгізуді шештік, бұл аталыммен ең жақсы бишілерді марапаттаймыз. Біздің ең танымал жұп – Кирилл мен Ярослав өнер көрсетеді. Олар – халықаралық дәрежедегі спорт шеберлері, Азия мен Қазақстанның чемпиондары”, – деді СҚО би спорты федерациясының президенті, “S’Avancer” хореография мектебінің басшысы.

“S’Avancer” хореография мектебінде әртүрлі жастағы бишілер айналысады, ересектерге арналған бағыт бар.

“Бұл – әлеуметтік билердің бағыты, ол ересектердің қатарға қосылып, бачата, сальса және басқа би түрлерін билеуге мүмкіндік беру үшін жасалған. Гала-шоуда кәсіби және әуесқой бишілер өнер көрсетеді. Осы арқылы біз қаламызға жаңа бағыт ұсынамыз. Бұл бағыт ҚР-да қарқын алуда”, – деді СҚО би спорты федерациясының президенті,”S’Avancer” хореография мектебінің басшысы.