Петропавлдағы 2-ЖЭО күзгі-қысқы кезеңге қажетті отынмен қамтамасыз етілді

«Севказэнерго» АҚ баспасөз қызметінің мәліметінше, Петропавл 2-ЖЭО-да 202 309 тонна көмір, 573 тонна мазут бар. Төмен температура кезеңінде жылу электр орталығы кемінде 20 тәулікке жететін көмір қорымен, яғни кемінде 136 000 тонна қара отынмен қамтамасыз етілуі тиіс. Мұндай талап 2-ЖЭО мен Екібастұз көмір бассейні арасындағы аумақтық қашықтыққа байланысты бекітілген, деп хабарлайды QZ News тілшісі.

«Жылыту мүмкіндігі, күл шығарылымы және ылғалдылығы бойынша Петропавл 2-ЖЭО үшін отынның негізгі түрі Екібастұз бассейнінің тас көмірі болып табылады, өйткені станция белгілі бір параметрлермен салынған. Жылу және электр энергиясын өндіру тиімді болуы үшін барлық қазандықтарға арналған жобалық отынды пайдалану және сапаға мұқият бақылау жүргізу қажет», – деп хабарлады «Севказэнерго» АҚ баспасөз қызметі.