Петропавлдың гүлдер студиясы «Азияның түсі – 2025» ашық қазақстандық байқауында бірінші орын иеленді

Петропавлда кеңінен танымал «Vesna» гүлдер студиясы гүл салондары мен декораторлар арасында өткен «Азияның түсі – 2025» атты ашық қазақстандық байқауда бірінші орынды иеленді. Байқау Астанада халықаралық Flora Expo көрмесі аясында өтті. Бұл туралы студия директоры әлеуметтік желіде хабарлады, деп жазады QZ News.

Аталған байқау бірнеше айға созылған шығармашылық марафонның жарқын қорытындысы болды. Оған Қазақстан мен Ресейдің кәсіби мамандары қатысты. Байқау «Flora Expo Astana 2025» гүл өсіру және көгалдандыру жөніндегі XII Халықаралық көрме аясында “EXPO” Халықаралық көрме орталығында ұйымдастырылды.

«Азияның түсі – 2025» — бұл Азияның байлығы мен көпқырлылығын: тарихын, мәдениетін, сәулетін, музыкасын және рухани дәстүрлерін бейнелейтін метафора. Қатысушылардың жұмыстары эстетикалық сұлулықпен қатар, терең мағыналы символиканы да қамтыды.

Қазылар алқасына бес студия өздерінің түпнұсқа әрі көз тартарлық жұмыстарын ұсынды: «DY.Art» гүлдер мен декор студиясы (Алматы), ROMANTIC салоны (Астана), «VESNA» гүлдер студиясы (Петропавл), «Фрида» құрамасы (Петропавл – Сургут) және Алматы қаласынан тағы бір команда. Байқауға барлығы 18 флорист қатысты.

Байқауды екі тәуелсіз құрам — сараптамалық кеңес пен шығармашылық қазылар алқасы бағалады.

Сарапшылардың қорытындысы бойынша, гүл салондары мен декораторлар арасындағы байқауда бірінші орынды – Петропавлдық «VESNA» студиясы, екінші орынды – Қазақстан-Ресей құрамасы «Фрида», үшінші орынды – алматылық «DY.Art» студиясы иеленді.

Студия директоры Елена Семидоцкихтың айтуынша, бұл байқау тәжірибе алмасу, шығармашылық шабыт пен әріптестермен жемісті байланыс орнату үшін тамаша алаң болды.