Петропавлдың Ойқала мен Былғары ықшам ауданында 18 үй жөнделіп жатыр

СҚО әкімі Ғауез Нұрмұхамбетов Ойқалада орналасқан штабта жедел кеңес өткізіп, тасқын зардаптарын жою бойынша жауапты басшылар мен бекітілген аудандар әкімдері орынбасарларының есебін тыңдады, деп хабарлайды QZ Media тілшісі.

Қазір Ойқала мен Былғары кентінде аудандардың  мехбригадалары 18 үйді жөндеп жатыр. Сондай-ақ аулалар мен жертөлелерден су сорылып, көшелер тазартылып, қоқыс шығарылуда.

“Ойқала мен Былғары кентінде бөгеттер арқылы 79 жоғары өнімді насос тәулігіне 300 мың суды сорып жатыр. Бұл жұмыстар су басқан аудандар толығымен құрғақ болғанша дейін жалғасады”,- деп жазды СҚО әкімі әлеуметтік желілерде.

Сондай-ақ аралау барысында өңір басшысы Заречный кентінде болды. Мұнда су деңгейі төмендеуде. Кеше 4 ауданнан бригадалар келіп, көшелер мен үйлерді қалпына келтіру және тазалау жұмыстарын бастайды.