Петропавлдықтар қала орталығында тегін заңгерлік және психологиялық кеңес ала алады

Петропавлда тегін заңгерлік және психологиялық кеңес беру бойынша ашық аспан астындағы Ашық есік күні өтті. Қалалық жастар ресурстық орталығының мүшелері ұйымдастырған іс-шара Достық үйінің алдында өтті, деп хабарлайды QZ News тілшісі.

“ЖРО заңгері мен психологы жұмылдырылды, біз сыбайлас жемқорлыққа қарсы қызметтің қызметкері мен қалалық мәслихат депутатын шақырдық. Бұл – дәстүрлі шара, біз оны алдын ала жарияладық”, – деді СҚО бойынша еріктілер фронт-офисінің басшысы Анастасия Волкова.

Кеңес беру шарасы өткізілген жердің жанында кез келген адам асфальтта сурет салу бастамасына қатыса алды. Ал нейрография нұсқаушысы Ғаухар Мұстанова шығармашылық шеберлік сабағын өткізді.

“Нейрография – мағыналы сурет салу. Мен негізінен маусым айында ашылған нейродәмханада жеке іс-шараларды өткіземін. Адамдар шеберлік сабақтарына және сурет салуға қуана қарайды. Бұл армандарыңыз бен мақсаттарыңызды қалыптастыруға көмектеседі, кедергі келтіретін және дамуға мүмкіндік бермейтін нәрселерді ұмыттырады”, – деді нейрография нұсқаушысы Ғаухар Мұстанова.