Петропавлдықтар ядролық апат құрбандарына арналған ескерткішке гүл шоқтарын қойды
1986 жылы 26 сәуірге қараған түні Чернобыль атом электр станциясының 4 энергоблогында жарылыс болды. Тарихи оқиғаға – 38 жыл. Осыған орай теріскейліктер ядролық апат құрбандарына арналған ескерткішке жиылып, жарылыстың залалымен күрескен жандарды бір минут үнсіздікпен еске алды, деп хабарлайды QZ Мedia тілшісі.
Кеңес Одағының тұрғындарына апаттың нақты көлемі туралы ақпар үш аптадан кейін ғана хабарланды. Өз өмірі мен денсаулығына қауіп төндіре отырып, апаттың салдарын жоюға бірнеше жүз мың адам, соның ішінде солтүстікқазақстандықтар қатысты.
