Қоғамдық штаб өкілдері су тасқынынан зардап шеккендерге қызметтері үшін жоғары баға ұсынатын бағалаушылар туралы ескертеді

Петропавлда қоғамдық штаб өкілдері топан судан зардап шеккендермен ақпараттық жұмысты жалғастыруда, деп хабарлайды QZ Мedia тілшісі.

Гашек көшесіндегі жаңа жатақханада облыс орталығында су тасқынынан зардап шеккен 190-ға жуық адам тұрады. Олармен күн сайын волонтерлер мен қоғамдық штаб өкілдері – белсенділер, қоғамдық пікір көшбасшылары, мемлекеттік органдардың қызметкерлері, депутаттар әңгімелесіп, парақшалар таратады. Зардап шеккендерді алаңдататын басты мәселе – зардап шеккен үйлер қашан және қалай бағаланады.

Түсіндірме әңгімелесу барысында қалалық ардагерлер кеңесі төрағасының орынбасары Иманғали Татваев өз қызметтері үшін жоғары ақша сұрайтын “бағалаушы-алаяқтар” пайда болғанын атап өтті. Оның пікірінше, мұндай нәрсе болмауы керек.

“Облыс әкімдігінің шешімі бар, шарттар жасалған, арнайы бағалаушылар таңдалды. Олар зардап шеккен тұрғындар үшін бәрін тегін жасайды. Оларға төлем қалалық әкімдік арқылы жүзеге асырылады. Біздің тұрғындар бұл үшін ақша төлемейді”, – деді Иманғали Татваев.

Су тасқынынан зардап шеккендермен кездесулер одан әрі жүргізілетіні атап өтілді.