СҚО-да алдағы үш күнде жауын-шашын болмайды

Петропавлда құрғақ және шуақты күндер жалғасуда. Осы орайда тұрғындарды қуантамыз. Алдағы үш күнде облыс орталығында жаңбыр жаумайды, деп хабарлайды QZ News тілшісі.

3 қазан күні Петропавлда сынап бағанасы +12 +14 градусты көрсетеді. Жұма күні облыс орталығында ауа температурасы +13 +15 градусқа дейін, ал сенбі күні +14 +16 градусқа дейін көтеріледі.

Алдағы үш күнде облыс аумағында да ауа райы жақсы болады. Бейсенбі күні өңір аудандарында сынап бағанасы +9 +14 градусты көрсетеді. 4 қазанда өңірде күн +10 +15 градусқа дейін, ал 5 күні +12 +17 градусқа дейін жылынады.