СҚО-да “Үздік орта білім беру ұйымы” анықталады
Тамыз айында өтетін педагогтардың конференциясында дәстүрлі “Үздік орта білім беру ұйымы” конкурсының қорытындысы шығарылады. Оған тұрақты түрде Солтүстік Қазақстан облысының түкпір-түкпірінен мектеп директорлары қатысады, деп хабарлайды QZ Мedia тілшісі.
Оқу орындарының басшылары өз жұмыстары туралы айтады, педагогикалық құрам мен оқушылардың жетістіктерін көрсетеді.
“Облыстық турға 11 білім беру мекемесі жолдама алды, аудандық және қалалық кезеңдерге 46 мекеме қатысты”, – деді СҚО білім басқармасына қарасты әдістемелік орталықтың директоры Роза Сәркен.
Жеңімпазға “Үздік орта білім беру ұйымы” дипломы, сондай-ақ ақшалай сертификат табысталады.