СҚО-да «Үздік сапалы қызмет көрсетуші» байқауының алғашқы кезеңінің қорытындысы шығарылды
Петропавл қаласында «Үздік сапалы қызмет көрсетуші» байқауының бірінші кезеңінің қорытындысын шығару бойынша Өңірлік конкурстық комиссияның отырысы өтті. Бұл маңызды байқау СҚО-дағы үздік қызмет көрсетушілерін анықтап, ынталандыруға бағытталған, деп хабарлайды QZ News.
Байқау екі негізгі номинация бойынша өтті:
- «Сервистік қызмет көрсетуші»
- «Клиентке бағытталған қызмет көрсетуші»
Барлық ұсынылған өтінімдер мұқият қаралып, байқау материалдары жан-жақты бағаланғаннан кейін, комиссия келесі кезеңге өтетін 10 қатысушыны анықтады – енді олар үшін халықтық дауыс беру кезеңі басталады. Әр номинацияда бірінші орын алған жеңімпаздар облыс атынан байқаудың екінші, республикалық кезеңінде бақтарын сынауға мүмкіндік алады.
