СҚО полицейлері саяжайларда күшейтілген патрульдеуге көшті

Петропавл қаласының шетінде, Есіл өзенінің ескі арналары маңында орналасқан саяжай алқаптарында полиция қызметкерлері күшейтілген патрульдеу режиміне көшті. 7 сәуірден бастап қалалық жағажай маңында моторлы қайық суға түсірілді: бортына екі полицей мен ТЖД-ның бір құтқарушысы кезекшілікке шықты, деп хабарлайды QZ News.

Басты мақсат – судағы қайғылы жағдайлардың алдын алу, уақытша жабылған саяжай телімдерінің қауіпсіздігін қамтамасыз ету, сондай-ақ ықтимал құқықбұзушылықтарды болдырмау.

«Апта басынан бастап маусымдық қиындықтар жиі орын алған аймақтарда патрульдеуге ҚР Ұлттық ұланы 6637 әскери бөлімінің сарбаздары тартылды. Олар полиция қызметкерлерімен бірлесіп, бағбаншылық серіктестіктерді аралап, жағдайды бақылауда ұстап отыр. Бұл – тұрғындардың мүлкінің сақталуына сенімді болуына мүмкіндік береді. Қазіргі таңда қалада 12 тәулік бойы жұмыс істейтін полиция бекеті бар, олардың барлығы саяжайлар мен өзен жайылмасы маңына қойылған», – деп мәлімдеді СҚО ПД.