Су тасқынынан зардап шеккен 700-ден астам тұрғын әлі де Петропавл жатақханаларында тұруда

Осы көктемде зардап шеккен қала тұрғындары облыс орталығының жатақханаларында әлі де тұрып жатыр. Бұл туралы облыс орталығының басшысы Серік Мұхамедиев тікелей эфир кезінде айтты. Қала басшысы жатақханадағы азаматтар жаңа үйлерге кіру үшін өз кезегін күтіп отырғанын атап өтті, деп хабарлайды QZ Мedia тілшісі.

“Бір жатақхана Петропавл қалалық құрылыс бөлімінің балансында, оқу бағдарламасына жоспарланбаған, қалған жатақханалар, әрине, босатылып, оқу орындарына беріледі. Бүгінде жатақханаларда 700-ден астам адам бар. 1 қыркүйекке қарай жатақханалардың негізгі бөлігі босатылады деп ойлаймын. Негізінен адамдар үйлерін күтуде. Құжаттармен проблемалары бар бірқатар тұрғын тіркелді, кеңес жылдарында олар ордерлер бойынша үй алған және оларды жекешелендірмеген, үй шартты түрде мемлекетте қалады, қазір олар бойынша мәселені шешіп жатырмыз. Бұл адамдар жатақханаларда біраз уақыт тұрады. Қалай болғанда да, адамдар көшеде қалмайды, біз баспана береміз”, – деді Серік Мұхамедиев тікелей эфир кезінде.