“Жігіттер жақсы жұмыс істеуде”: Су тасқынынан зардап шеккендер мехбригадалардың жұмысы жайлы айтты

Шал ақын ауданының мехбригадасы Былғары зауыты шағын ауданында үйлерді жөндеу жұмыстарын жүргізуде. Мамандар кірген баспананың бірінде Лев Оборин тұрады, деп хабарлайды QZ Мedia тілшісі.

Мамандар бүгіннің өзінде қабырғаларды жөндеп, жаңа еден төседі. Қазір жылу жүйесі орнатылуда. Тұрғын мехбригада жұмысының сапасы мен жылдамдығын атап өтті.

“Едендер алынып тасталды, қабырғадағы балшық түсірілді. Барлығы үйді кептіру үшін жасалды. Үш апта осыған кетті. Кептіруден кейін жөндеу жұмыстары басталды. Еден жаңа, қабырғаға гипсокартон бұралды. Жігіттер жақсы жұмыс істейді, сондықтан бәрі көңілден шығады”, – деді қала тұрғыны Лев Оборин.