СҚО-да өсімдік шаруашылығы саласына бағытталған мемлекеттік қолдау көлемі 20,4 млрд теңгені құрайды

Солтүстік Қазақстан облысының ауыл шаруашылығы тауарын өндірушілері 942 мың гектар жерге ауыл шаруашылығы дақылдарын сеуіп үлгерді, деп хабарлайды QZ Мedia тілшісі.

Оның 649,8 мың га – дәнді дақылдар, ал 244,4 мың га – майлы дақылдар. Ылғалды жабу жұмысы 4,5 млн га танапта аяқталды, 696,1 мың га жерге 49,8 мың тонна минералды тыңайтқыш енгізілді.

2024 жылы ауыл шаруашылығы саласындағы мемлекеттік қолдау көлемі 60,8 млрд теңгені құрайды, оның ішінде өсімдік шаруашылығы саласын дамытуға бағытталған қаржы – 20,4 млрд теңге.