СҚО-да тасқыннан зардап шеккен Петропавл балық питомнигін қайта құру және кеңейту бойынша ЖСҚ әзірленеді

Ауыл шаруашылығы вице-министрі Аманғали Бердалин Солтүстік Қазақстан облысына келіп кетті. Алғашқы нысан «Петропавл балық питомнигі» РМҚК болды, деп хабарлайды QZ Media тілшісі.

Су тасқыны кезінде балық питомнигі су астында қалған болатын, сонда 817,3 м2 инкубациялық цех, тоғандар және басқа да өндірістік ғимараттар зардап шекті.
Айта кету керек, балық питомнигі табиғи мекендеу ортасына бағалы балық түрлерінің шабақтарын өсіру және табиғи мекендеу ортасына жіберу бойынша 35,5 млн.дана ақсаха дернәсілдері және 1,0 млн. дана тұқы шабақтарын мемлекеттік тапсырысты жүзеге асырады.

Кәсіпорынды аралап шыққаннан кейін басшылыққа объектіні тиісті күйге келтіру тапсырылды. Балық шаруашылығы комитетінің, балық питомнигінің, сондай-ақ Солтүстік Қазақстан облысының Табиғи ресурстар және табиғат пайдалануды реттеу басқармасының басшылығы кәсіпорынның өнімділігін арттыру үшін заманауи жабдықтарды кеңейту мен орнатуды ескере отырып, кәсіпорынды реконструкциялау жөніндегі жобалау-сметалық құжаттаманы бірлесіп әзірлеуі тиіс.

Бұдан әрі жұмыс бағдарламасы аясында вице-министр ауыл шаруашылығы жануарларын союмен және шұжық өнімдерінің, ет пен тартылған 4, сондай-ақ жартылай фабрикаттардың 40 түрін өндірумен айналысатын «ЗАГОР ИНТЕР» ЖШС-на барды. Мұнда Аманғали Бердалин «фермадан» «үстелге» дейінгі принцип бойынша мал шаруашылығы өнімдерінің толық қадағалануын қамтамасыз ететін «ветеринариялық-санаторлық сараптама» модулінің жұмысын қадағалады.

Содан кейін вице-министр «Алтын адал» ет базарына барып, базар қызметкерлерінің қызықтырған сұрақтарына жауап беріп, азық-түлік және ветеринарлық қауіпсіздігінің маңыздылығын атап өтті.