Петропавлда Біржан салдың 190 жылдығына арналған әдеби-музыкалық кеш өтті

Сәбит Мұқанов атындағы облыстық кітапханада «Біржан сал – қазақ ән-жырының шамшырағы» атты әдеби-музыкалық кеш өтті, деп хабарлайды QZ News тілшісі.

Біржан-салдың 190 жылдығына орай ұйымдастырылған шараға облыс орталығының студенттері мен қоғам қайраткерлері қатысты.

“Біржан сал көптеген өнерпазға шабыт берді. Сегіз Сері оның тәлімгері болып саналды. Ол үлгі аларлық тұлға болған. Біржан сал тарихи тұлғадан білім алып, оның жолына түсті”, – деді СҚО құрметті азаматы Серікбай Құсайынов.

Әдеби-музыкалық кеште композитордың әндері орындалды. Сонымен қатар, шара қонақтары үшін көрме ұйымдастырылды.