Петропавлда Қазақстан киносы күндері өтеді

Ұлттық киноны қолдау мемлекеттік орталығы қазақстандық киноны өңірлерде насихаттау бастамасын жалғастыруда. Осыған орай, Петропавлда алғаш рет Қазақстан киносының онкүндігі өтеді, деп хабарлайды QZ News.

Қазақстан киносы күндері 4 сәуір, жұма күні «Qyzyljar Creative Center»-де басталады. Іс-шара режиссер Серікбол Өтепбергеновтың «Патриоттар уақыты» фильмінің көрсетілімімен ашылады. Кино күндері аясында көрермендер Орталық түсірген «Жамбыл. Жаңа дәуір», «Дос-Мұқасан», «Бауырына салу» сынды фильмдерді тамашалай алады.

Сонымен қатар, іс-шараға киноиндустрияның білікті мамандары қатысып, шеберлік сыныптарын өткізеді.