Қызылжар ауданында оқушылар арасында облыстық айтыс өтті

Қызылжар ауданында ақын, драматург, айтыскер, Мағжан Жұмабаев ауданының тумасы Ерік Асқаровтың 65 жылдығына орай оқушылар арасында облыстық айтыс өтті, деп хабарлайды QZ Мedia тілшісі.

Оқушылар арасында өткен өңірлік ақындар айтысын «Айтыс ақындары мен жыршы-термешілердің Халықаралық Одағы» РҚБ Солтүстік Қазақстан облысы бойынша филалының директоры Жарқын Жұпархан ұйымдастырды. Оған «AMANAT» партиясының М.Жұмабаев және Қызылжар аудандық филиалдары қолдау көрсетті.

Жеңіске жеткендер мен сайысқа қатысушылар дипломдар және бағалы сыйлықтармен марапатталды.

Сонымен қатар, жекелеген бес қатысушы демеушілерден сыйлық ретінде домбыра алды. Ал айтыстың дамуына ерекше үлес қосқан мектеп директорларына ұйымдастырушылар грамоталар табыс етті.