С.Мұқанов атындағы қазақ сазды-драма театрында “12 минут” спектаклінің тұсаукесері өтті

С.Мұқанов атындағы қазақ сазды-драма театрында “12 минут” спектаклінің тұсаукесері өтті. Қойылымның режиссері – халықаралық театр фестивальдерінің лауреаты, жас режиссер Әлібек Өмірбекұлы, деп хабарлайды QZ Мedia тілшісі.

“3,5 ай дайындалдық, көрерменге жұмысымызды ұсынар алдында қатты қобалжып тұрмыз. Халық бұл қойылымның артында үлкен еңбек тұрғанын сезінеді деп үміттенемін. Мен әр спектакльге жауапкершілікпен қараймын. Мысалы, бүгінгі жұмысқа  бірнеше жыл әзірлендім. Мұрағат деректерін көтеріп, мәліметтер жинадым, түрлі әдебиеттерді оқыдым”, – деді спектакль режиссері Әлібек Өмірбекұлы.

Қойылымның негізі Антон Чеховтың “Шағала” пьесасы болды. Спектакль жанры – комедия.

“1936 жылы Жұмат Шанин “Қыз Жібек” спектаклін Мәскеуге апарды. Қойылымның басталуы 12 минутқа кешіктірілді. Спектакльді кешіктіріп тек бастықтар бастай алатын еді. Біз Сталинді көрерменге жағымсыз кейіпте көрсетеміз. Мен бұл спектакльді көрген адамдар біздің ұлы адамдарымыз бастан өткерген азапты сезінетініне сенімдімін. Мысалы: Темірбек Жүргенов, Әлихан Бөкейханов, Ахмет Байтұрсынов. Өз тарихымыз бен мәдениетіміз туралы айтқымыз келеді, онда осындай ұлы адамдар болған, өнер болған”, – деді театр сыншысы Жәмил Қайратұлы.

“12 минут” спектаклін жасаушылар оны Қазақстанның түрлі қалаларында көрсетеді. Сонымен қатар, олар қойылымды басқа елдердің көрермендеріне қойғысы келеді.