Ресейде ата-анасы 12 жасар қызын ыстық темірмен азаптады

Сот кішкентай қызын ерекше қатыгездікпен азаптады деген күдікке ілінген лобнялық ерлі-зайыптыларды қамауға алды, деп хабарлайды QZ News NewTimes.kz ақпараттық агенттігіне сілтеме жасап.

“Мәскеу облысы Тергеу комитетінің баспасөз қызметінің хабарлауынша, ерлі-зайыптылар 2024 жылдың қаңтарынан бері 2012 жылы туған қызын мезгіл-мезгіл ұрып-соғып жүрген. Сондай-ақ ата-анасы қыздың денесіне ыстық металл заттар басып азаптаған .«Жауап алу кезінде күдіктілер өз кінәсін мойындамай, дене жарақатын баланың өзіне өзі жасағанын айтты», – деп мәлімдеді баспасөз қызметі.

Іс бойынша сот-медициналық және психологиялық-психиатриялық сараптама тағайындалды. Жақын арада айыпталушылар жауапқа тартылады.

Ресейлік БАҚ-тың хабарлауынша, 12 жастағы қыз үйінен қашып кетіп, ата-анасы үнемі азаптап жүргенін айтып, полицияға хабарласқан. Оның денесінде көптеген жаралар мен тыртықтар анықталды – әкесі мен анасы баланың денесіне отқа қыздырылған металл заттармен басқан.